«Sońǵy jyldary Ortalyq Azııa elderiniń aımaqishilik ekonomıkalyq baılanystary sapaly jańa deńgeıge kóterildi. О́tken jyldyń ózinde Qazaqstannyń aımaq elderimen saýdasy 19 paıyzǵa ósip, 8 mıllıard dollardy qurady. Aldaǵy ýaqytta bul kórsetkishti 15 mıllıardqa jetkizý mindetin qoıdyq», dedi Prezıdent.
Memleket basshysynyń aıtýynsha, Eýropalyq Odaq elderimen óńirlik saýda kólemi de serpindi ósip keledi. О́tken jyldyń sońynda bul kórsetkish 60 paıyzdan astam ósip, 49 mıllıard dollarǵa jetti.
«Birinshi kezektegi mindet - saýda nomenklatýrasyn keńeıtý arqyly eksportty ulǵaıtý. Qazaqstan EO elderine mashına jasaý, temir jáne bolat óndirý, tamaq ónerkásibi sııaqty salalarda quny 2,3 mıllıard dollar bolatyn 175 shıkizat emes taýar túri boıynsha eksportyn ulǵaıtýǵa daıyn», dedi el Prezıdenti.
